صانع المكياج

يـا صانـع المكيـاج الله يجـازيـك
خليتني مخـدوع فـي شكـل خلـي

الله يحـرق مصنعـك مـع مبانيـك
والمعرض الموجـود في بيكاديلي

ادعي عسى تعمى وتنشـل رجليـك
هـذا دعائـي دوم لا جيـت اصلـي

خليتني اركـض ورا البنت هاذيـك
واشوفها اجمل غـرام ٍ حصـل لـي

قلبي عشقها يا(جيفنشي) توماتيك
وان شافها قلبـي يرحـب يهلـي

هي رحبت بـي وقالـت الله يحييـك
وقالت هلا باللي عشق زيـن شكلـي

وقالت انا اجمل بنت في اللي حواليك
شف حسني الاخاذ وروجي العسلّـي


طالعتها ثـم قلـت هالقلـب يبغيـك
ومن شاف حسنك خلى غيرك يولـي


ابغي اشوفـك دون مكيـاج يكسيـك
وابغـي اشوفـك بالجمـال المحلـي


قالت تبينـي افـرك الوجـه تفريـك
واشيل هالبـودر وروجـي وكحلـي


قلت أي نعم قومي عسى الروح تفديك
ابغـي جمالـك هالطبيعـي يهـلّـي

قالت دقايق راجعـه لـك واراويـك
ذاك الجمـال اللـي لعينـك يسـلّـي

ويوم رجعت لي شربكتني الشرابيـك
وحسيت الارض تدور وانـا بمحلـي

الخد كنه يا(جيفنشـي) سيراميـك
والوجه شارع مثـل شـارع المطار
الوجـه كنـه بيـت كلـه شبابيـك
من هالحفر في وجهها اللـي يعلّـي

كلـه سبـب مكياجـك الله يجازيـك
خليتني مخـدوع فـي شكـل خلـي

ونصيحتي لكل شاب من غير تشكيك
لا لا اتسـرع ثـم تنغـش مثـلـي

اللـي بـلا مكيـاج خلهـا حواليـك
واللـي تحـط مكيـاج خلهـا تولـي

ياسلام ياسلام .. تسلم شاعرنا على القصيده الطيبه

خخخخخخخخخخ .. والله انه القصيده يت فـ وقتهآ .. خخخخخ .. خآصة هالأيآم البنآت مب مقصرآت .. <سأيرآت المول جنهم سايراات عررس .. >>الصرااحه منااظر ..

وانا اقوول الجماال ايي من الله مب من المكيآج ..

الله يهدي اليمييع ..

ويسلموو ع القصييده ..


صح الساانك ..

ماعليج زود

هههههههههههههههههههههههههه
يسلموا صح لسانك

صح الساااااااااااانك خوويهـ ..


هييه والله مب بس فالمول تلقينهم فالجمعيه بعد ..

ماادري هالكيلو طحين اللي يحطونه فـ ويوهم شو يسوي ..

الله هدي الكل ..


تسلم خويهـ ع هالقصيدهـ الغآاآويهـ ..

ومآاآاآعليييييكـ زوووووود يالشييخ ..

مشكورة وماقصرتي وماعليج زود مشاء اللع عليج نشيطه بس وين القصايد نبغي انشوف ونقره