الـطـعـنـة الـلـي مـن ورى الـظـهر تـنـهـيـك

ياهلا بكم فـ موضوعي وهو بعنوان

الـطـعـنـة الـلـي مـن ورى الـظـهر تـنـهـيـك

ــــــــــــــــــــــــــــــــــــــــــــــــ

بعض البشر لامن حشمته طمع فيك
وبعض البشر لامن جفيته يودك

وبعض البشر يتعب على شان يرضيك
واغلى من اخوانه بقلبه يعـــــــــــــدك

وياصاحبي هالحين بانت خوافيك
علقتني مابين مزحـك وجـدك

وش جاك مني ياعشيري وانا اخوك
قبل امس انا صاحبك واليوم ندّك

لاضاق صدري من عنا الوقت انا اجيك
واشوف دمعات الغلا فوق خدك

والحين تظلمني وانا منك وفيك
بكل احترام اقول ياخوي حدك

ثمن كلامك ياعسى الله يهديك
لاصار ماي الوجه يعجز يردك

ثوب الردى ياصاحبي مايقديك
الثوب ماهوب لك ولا القد قدك

وانا خلاص اليوم والله مابيك
النفس طابت سو ماهو بودك

الطعنه اللي من ورى الظهر تنهيك
وشلون لاجاتك من اللي يودك

لاواهني يوم انا اموت بييديك
ذابح وتبكي من ذبحته بيدك

تحياتي بوسمره ( والعالم يبكي )

صح السآآآآآآآآآآآن قاااااايلهاااااااا ..

اذا صدق انت كاتبها فـ انت مبدع وفناان واتمنى انك تكمل ع هالطريق..

بس اذا كانت منقوول .. تسلم ع النقل ..

ويسلموووووووو ع القصيد الغاوي .. ^^

لا انا كاتبنها شو هالحركات بعد مررره عييب عليكم

كل ماكتبت قصيده قلتوا اذا انته كاتبنها واذا واذا !!

هب زين هالرمسه بارك الله فيكم

تسلمين روووح الشاارجه عالمرور

اوب اوب طلع عندنا ف العائله شاعر ياعيني على حامد زيدخ خخخ

=)

الحمدلله شاعر ولي الفخر

يسلمووووووووووووووووووووووووووووووواا

صح السااااان الشااااااعر ..>أحمد الاسمراني .. < ^^

والحين تظلمني وانا منك وفيك
بكل احترام اقول ياخوي حدك

ثمن كلامك ياعسى الله يهديك
لاصار ماي الوجه يعجز يردك

الصرااحه قصييدة فـ قمة الرووعه .. والحس الشعري ..

تسلم .. ونترقب يديد قصاايدك .. ^^